沖咖啡並唔係一件簡單嘅工作，水溫、咖啡豆品質、煮法，通通都係一門學問，即使沖完杯靚咖啡，咖啡上面嘅拉花一樣可以好講究！韓國就有位靚仔拉花師喺拿鐵（ latte ）上畫出唔同圖案，除咗一般心形、禾草等圖案外，更將梵高嘅名作《星夜》於咖啡杯上重現！
呢位咁出色嘅拉花師叫李江彬，除咗外形相當討好外，仲有一手非常高超嘅拉花技術，睇返佢喺 instagram 分享嘅作品，不論喺卡通人物、動物、畫家名作都難佢唔到，仲要所有圖案都整得相當細緻！
如果收到一杯咁嘅咖啡，我諗真係大部分人都唔捨得飲啊！
本文專載自 : http://sina.com.hk